「六神合体」嘅共用二维码

「六神合体」嘅共用二维码

阿四:
小森,听讲金管局推出咗全球首创「共用二维码」 流动应用程式(「HKQR」app)用嚟收款,好威水喎!市民可以点用?

小森:
主要系畀商户收钱用嘅。你买嘢畀钱时,有冇发现一啲收银处放咗好多个二维码?咁系因为支付营运商都各有专用嘅二维码。金管局推出「共用二维码」就可以将一大堆二维码「六神合体」,商户以后只需要一个二维码,就收到来自唔同银行、电子钱包嘅款项。

阿四:
商户点样申请用「共用二维码」?

小森:
唔使申请,商户只需要喺Google Play Store及Apple App Store下载「HKQR」流动应用程式,再按照指示,将多个二维码整合成一个二维码,就可以用得!而且费用全免。但注意返,而家商户用嚟收款嘅二维码,大部分都未符合「香港共用二维码标准」,如果商户用唔到HKQR「合体」,就要联络返相关储值支付工具营运商啦!

阿四:
用二维码收钱系方便嘅,但睇新闻见到,有不法之徒会将商户嘅二维码偷龙转鳯,换做自己嘅二维码去偷钱!

小森:
二维码系收钱工具,所以商户有责任小心看管,例如收铺时收埋个二维码,否则就等如将铺头锁匙周围放无分别。想知多啲点用二维码收款,可以浏览呢个网页https://fps.hkicl.com.hk/schi/fps/merchants/qr_code.php


想问多啲有关金管局工作,欢迎电邮到小森、阿四专用邮箱:
[email protected]