金融科技實習生返工啦!

金融科技實習生返工啦!

小森:
金管局同十二間銀行合辦嘅金融科技人才培育計劃(FCAS),今年招聘嘅實習生噚日嚟咗金管局參加迎新活動!

阿四:
我知道計劃好受歡迎,收到超過四百份嘅申請,最後有七十四位學生獲聘。

小森:
我聽負責嘅同事講,呢個計劃唔止吸引到修讀商科、IT嘅同學,連修讀法律、心理、物流、環境科學嘅學生都有申請。

阿四:
金融科技發展多元化,確實係需要有不同技能嘅人才。為咗得到呢個難得嘅實習機會,學生都表現得好積極。例如有去咗外國交流嘅香港學生,特登晨早五點起身同香港呢邊進行視像面試。FCAS實習生返工後,將會有乜做?

小森:
佢哋將會各自喺受聘嘅十二間銀行或者金管局,接受為期六個月或十二個月嘅在職培訓,落手落腳參與金融科技嘅項目。佢哋噚日參加咗分別由金管局同香港應科院提供嘅專題課程,學習有關金融監管同金融科技嘅最新發展。

阿四:
我同咗幾位同學傾偈,佢哋都話急不及待參與銀行嘅金融科技項目,希望日後推出可以更多創新嘅產品,方便用。

小森:
同學都好有抱負,香港金融科技嘅發展就靠佢哋啦!
 

想問多啲有關金管局工作,歡迎電郵到小森、阿四專用郵箱:
[email protected]