去「中國矽谷」學fintech

去「中國矽谷」學fintech

小森:
你喺度睇緊乜相?

阿四:
早幾日「深圳金融科技暑期實習計劃」啟動禮影嘅相之嘛。個日場面好熱鬧,除咗有香港金管局、內地官員同實習機構代表外,仲有50名參加實習計劃嘅香港大專學生出席。

小森:
我記得!呢個係首個由金管局同深圳金融辦合辦嘅fintech實習計劃。獲選嘅香港大專學生分別會去深圳8間頂尖嘅金融科技或科技金融公司實習6個星期,體驗深圳嘅fintech生態!

阿四:
聽講呢個實習計劃甄選方法都幾特別㗎,先由大專院校嘅老師提名有潛質嘅學生。佢哋除咗要填表格之外,仲要用普通話拍一段短片介紹自己。今年收到200幾個提名,最後50位同學脫穎而出。

小森:
我都記得一啲科技人才結合深港優勢嘅成功故事,例如全球航拍一哥「大疆」創辦人兼行政總裁汪滔講過,如果佢無去香港讀大學,就無而家嘅成就。香港係國際金融中心,深圳又匯集了頂尖科技專才同雄厚嘅工業實力,攜手合作發展fintech真係無得輸。

阿四:
乜你記得咁多嘢嘅。
小森:
我仲記得你借我部相機影深港交流活動,用完好還返畀我呀。

想問多啲有關金管局工作,歡迎電郵到小森、阿四專用郵箱:
[email protected]