开放API

开放API

阿四:
小森,金管局噚日发出开放API业界谘询文件,其实开放API系乜嚟?

小森:
API全名系Application Programming Interface,中文叫「应用程式介面」,负责做中间 联系人,喺不同服务供应商及程式之间传递资料同指令。开放API系指一间机构对外开放自己 系统嘅资料或功能,畀其他服务供应商或程式使用。有啲服务供应商仲会连接多间机构嘅 API,整合推出全新服务或产品。

阿四:
都系唔明喎。

小森:
服务供应商就好似代购网站,会连接去多个购物平台帮用家「代客购物」。呢啲购物 平台可能喺唔同地区用唔同语言、支付方法,但代购网站就利用呢啲购物平台嘅开放API连结 多个购物平台一齐,为用户由选购、付款以至运送嘅一条龙服务。服务供应商仲可以从客户 购物习惯提供更多增值服务,例如提醒客户用边张信用卡买嘢有折扣等等!

阿四:
我明啦!咁有冇开放API嘅实际例子?

小森:
好多酒店、餐厅网页会连结Google Map嘅开放API显示自己嘅位置。

阿四:
点应用喺银行服务方面呢?

小森:
例如现时一啲银行贷款或信用卡嘅格价app,仍然用传统方式收集数据,资料更新慢啲 ,多数唔可以将多间银行资料结合。日后银行推出开放API后,呢啲app可即时喺唔同银行攞 到最新资讯,再发放畀用户,同时可即时申请有关服务。 金管局出谘询文件系希望透过向业界收集意见,就几时、点样、同埋开放API应用喺边啲服务 ,设立框架。文件按风险程度,将开放API应用划分为四个范畴,包括银行嘅公开资讯(如产 品同服务资料)、产品申请(如信用卡、旅游保险等)、客户嘅帐户资讯同交易纪录,以及 使用帐户进行交易。

阿四:
哗,咁我嘅私隐可以点受到保障?

小森:
放心,涉及客户资料嘅开放API,事前一定要获得客户同意先可以使用,业界亦要跟从 所有保安守则!

想问多啲有关金管局工作,欢迎电邮到小森、阿四专用邮箱:
[email protected]